Палякі ў шоку. Берлін пераправіў у краіну больш як 10 тыс. мігрантаў

Больш як 10 тысяч мігрантаў перавандравалі за год з Германіі ў Польшчу. Такія даныя федэральнай паліцыі ФРГ. Па даных польскіх СМІ, часцей за ўсё гэта грамадзяне Украіны з польскімі "картамі побыту", але з пратэрмінаванымі дакументамі, якія запэўніваюць асобу. Таксама шмат мігрантаў з Блізкага Усходу, з Афрыкі і Азіі.

У польскім МЗС спрабуюць апраўдацца, называючы асноўнай прычынай "фармальныя недахопы", а не новую хвалю міграцыі. Але гэта палякаў не супакойвае.

У Германіі недалёка ад мяжы з Польшчай знаходзіцца так званы Дублінскі цэнтр, з якога і адпраўляюцца мігранты. Паводле прагнозаў, у найбліжэйшы час у Польшчу будуць высланы яшчэ сотні сірыйцаў, іранцаў, афганцаў і "людзей іншых нацыянальнасцяў".