Партыя Пашыняна перамагла на выбарах у Арменіі

Партыя прэм'ера Пашыняна атрымала перамогу на парламенцкіх выбарах у Арменіі. ЦВК аб'явіў, што "Грамадзянская дамова" набрала амаль 50 % галасоў, што дазваляе аднаасобна сфарміраваць новы ўрад.

Аднак без скандалаў не абышлося. Так, у АБСЕ прызналі, што парламенцкія выбары прайшлі з парушэннямі. А апазіцыя ўжо назвала вынікі галасавання "абуральнай фальсіфікацыяй" і рыхтуе масавыя іскі ў суд. Цэнтрвыбаркаму нават давялося ануляваць вынікі на двух участках з-за грубых парушэнняў.

Пра тое, у якой атмасферы праходзіў падлік галасоў, красамоўна гаворыць той факт, што будынак ЦВК у Ерэване быў заблакіраваны сілавікамі, а ўзброенай паліцыі на вуліцах аказалася больш, чым звычайных грамадзян. У Ерэване праходзіць акцыя пратэсту прадстаўнікоў апазіцыйных сіл.