Пенсіянеры і футбольныя фанаты супраць паліцэйскіх: у сталіцы Аргенціны разгарнуліся баявыя дзеянні

На вуліцах аргенцінскай сталіцы разгарнуліся сапраўдныя баявыя дзеянні. Тут у сутыкненнях бяруць удзел з аднаго боку паліцэйскія, з другога - вельмі дзіўны тандэм: пенсіянеры і футбольныя фанаты.

Такой разлютаванасці бакоў у Буэнас-Айрэсе не было даўно: спецназ прымяняе не толькі дубінкі, але таксама слёзатачывы газ і гумовыя кулі. У ахоўнікаў парадку ляцяць камяні і кактэйлі Молатава.

Прычынай беспарадкаў стала відэа, на якім паліцэйскія нападаюць на бабульку-дэманстрантку: гэтыя кадры літаральна ўскалыхнулі ўсю краіну. Між тым пенсіянеры праводзяць адну акцыю пратэсту за другой ўжо некалькі тыдняў.

У выніку рэформаў прэзідэнта Мілея ўсяго толькі за адзін мінулы год колькасць аргенцінцаў, якія жывуць за рысай беднаты, павялічылася на 10 працэнтаў. Зараз да такіх людзей належыць больш за палову насельніцтва. Асабліва цяжка прыходзіцца пенсіянерам: сацыяльныя выплаты ім індэксуюцца з затрымкай, што ператварыла іх у беднякоў.