Politico: Вялікабрытанія, Польшча і Паўночная Еўропа абмяркоўваюць стварэнне абароннага фонду

Вялікабрытанія, Польшча і Паўночная Еўропа абмяркоўваюць стварэнне абароннага фонду, паведамляе Politico.

Па даных выдання, гэта дазволіць рабіць сумесныя закупкі ўзбраенняў па ніжэйшых цэнах, а таксама атрымліваць выгадныя пазыкі на абаронныя патрэбы.

Паведамляецца, што Лондан ужо правёў кансультацыі з прадстаўнікамі фінансавых ведамстваў Швецыі, Фінляндыі, Даніі, Нідэрландаў і Польшчы. Пытанне будзе таксама абмяркоўвацца падчас сустрэчы міністраў фінансаў краін Еўрасаюза ў Варшаве на наступным тыдні.

Адзначаецца, што ініцыятыва адкрыта для краін, якія гатовы да вялікіх ваенных расходаў, маючы пры гэтым нізкія дзяржаўныя даўгі. Гэта выключае ўдзел у ім большасці краін Паўднёвай Еўропы, у тым ліку Францыі, Італіі і Іспаніі.