Прэм'ер-міністр Вялікабрытаніі анансаваў стварэнне кааліцыі для Кіева

Прэм'ер-міністр Вялікабрытаніі Кір Стармер заявіў пра намер краін Еўропы сфарміраваць "кааліцыю добрай волі" для Кіева.

Пытанне будзе абмяркоўвацца 2 сакавіка ў Лондане на еўрапейскім саміце, куды прыляцеў і Зяленскі пасля таго, як яго выгналі з Белага дома.

Стармер растлумачыў, што ў аб'яднанне ўвойдуць толькі тыя краіны-члены Паўночнаатлантычнага альянсу, хто сам таго пажадае, і дадаў - пакуль "далей за іншых пры абмеркаванні гэтага пытання прасунуліся Вялікабрытанія і Францыя".

Напярэдадні стала вядома, што Кіеў і Лондан падпісалі крэдытны дагавор больш як на 3 млрд еўра. Грошы пойдуць на вытворчасць узбраення.