Сенат ЗША падтрымаў 500-працэнтныя пошліны для краін, якія закупляюць нафту і газ з Расіі

Сенат ЗША падтрымаў законапраект аб пошлінах у 500 % для краін, якія закупляюць нафту і газ з Расіі. Гэта адбудзецца, калі Уладзімір Пуцін не ўступіць у сур'ёзныя перамовы па Украіне. Аб гэтым заявіў рэспубліканец Ліндсі Грэм.

Сенатар назваў меры "зруйнавальнымі" для расійскай эканомікі. Ён выказаў упэўненасць, што калі ў найбліжэйшы час не будзе дасягнута мірнае пагадненне, сенат "прыме рашучыя меры, каб нанесці моцны ўдар па Расіі".