Трамп: Новыя пошліны на імпартныя тавары забяспечаць ЗША дадатковыя 6-7 трлн долараў

Новыя пошліны на імпартныя тавары забяспечаць ЗША дадатковыя 6-7 трлн долараў, сцвярджае Трамп. Прэзідэнт ЗША адзначыў, што чакае буму на рынках і ў цэлым у Штатах.

Але прагнозы аналітыкаў гавораць пра зваротнае. Так, агенцтва Fitch Ratings папярэджвае: пошліны сталі роўныя паказчыкам 1909 года. Такі ўзровень ставак запаволіць тэмпы росту ВУП краіны, а таксама прывядзе да паскарэння інфляцыі і паніжэння прыбыткаў кампаній. 6 з 10 амерыканцаў моцна занепакоены станам эканомікі ЗША, вынікае з апытання сацыялагічнай службы Gallup.

Пакутуе ад пошлін Трампа і аўтапрам. З-за іх транснацыянальная карпарацыя Stellantis спыніла працу некалькіх сваіх аўтазаводаў у Канадзе і Мексіцы. Кампанія валодае 14 брэндамі, у іх ліку: Alfa Romeo, Opel, Peugeot , Jeep і Fiat. Таксама стала вядома, што ўлады Канады ўвядуць мыты ў памеры 25 % на ўсе аўтамабілі, якія імпартуюцца з ЗША і не падпадаюць пад дзеянне пагаднення аб свабодным гандлі ў Паўночнай Амерыцы.

Фота ТАСС