Трамп плануе скараціць ваенную прысутнасць ЗША ў свеце

Прэзідэнт ЗША Дональд Трамп не жадае, каб Амерыка за свой кошт працягвала выконваць ролю "сусветнага паліцэйскага".

У распараджэнне Washington Post трапіла службовая запіска міністра абароны ЗША Піта Хегсета. У ёй выкладзены доўгатэрміновыя мэты па перадыслакацыі ўзброеных сіл ЗША па ўсім свеце.

У першую чаргу плануецца скараціць колькасць войскаў у Еўропе, адказнасць за бяспеку ў рэгіёне ўскладаецца на ЕС. Таксама план прадугледжвае скарачэнне войскаў на Блізкім Усходзе і ў Афрыцы і даванне краінам магчымасці самім вырашаць свае праблемы.

Кітай разглядаецца як ваенная пагроза нумар адзін. Войскі будуць перакінуты на нарошчванне абароназдольнасці ў Ціхаакіянскім рэгіёне для вырашэння гэтай праблемы.