У Лос-Анджэлесе на фоне масавых пратэстаў уведзены рэжым НЗ

Рэжым надзвычайнай сітуацыі ўведзены ў Лос-Анджэлесе на фоне масавых пратэстаў супраць міграцыйнай палітыкі ЗША. Пра гэта заявіла мясцовы мэр. Яна таксама паведаміла аб увядзенні каменданцкай гадзіны ў цэнтры горада.

Адна з прычын - марадзёрства. На гэтым тыдні было разрабавана каля 23 розных аб'ектаў. Паводле даных мясцовай паліцыі, за мінулы дзень у горадзе на фоне пратэстаў затрымана 197 чалавек. У ход па поўнай праграме ішлі вадамёты.

Тым часам суд адхіліў запыт губернатара Каліфорніі на неадкладную забарону выкарыстання марпехаў і членаў Нацыянальнай гвардыі штата падчас антымігранцкіх рэйдаў. А кіраўнік Пентагона Хегсет заявіў, што вайскоўцы застануцца ў Лос-Анджэлесе як мінімум на 60 дзён для стабілізацыі становішча.