У цэнтральных штатах Амерыкі аб'яўлены чацвёрты ўзровень пагрозы з-за непагоды

Моцныя ліўні прывялі да разбуральных паводак у цэнтральных штатах Амерыкі. Паведамляецца аб гібелі сама меней 16 чалавек. Такія звесткі прывёў тэлеканал CNN.

У зону рызыкі трапіў 41 млн чалавек ад даліны Агаё да паўднёвага ўсходу Тэхаса. У Арканзасе, Місуры, Тэнэсі і Місісіпі аб'яўлены найвышэйшы, чацвёрты, узровень пагрозы з-за паводак. Ападкі прывялі да экстраннай эвакуацыі і перакрыцця дарог. Толькі за суботу зафіксавана больш за 6 тыс. затрымак авіярэйсаў і масавыя адключэнні электрычнасці.