Удзельнікі дэманстрацыі ў Сафіі выступілі супраць еўра

Сотні чалавек выйшлі на пратэст у Сафіі, каб абараніць нацыянальную валюту. Удзельнікі дэманстрацыі выступілі супраць далучэння краіны да еўразоны. Пратэстоўцы закідалі будынак прадстаўніцтва Еўрапейскага парламента яйкамі і фарбай. А затым спалілі флаг Еўрасаюза і пудзілы еўрачыноўнікаў.

Як заявілі ўдзельнікі пратэстаў, у выпадку ўвядзення еўра ў якасці афіцыйнай валюты ў Балгарыі "жыццё стане цяжкім для ўсіх". У краіне асцерагаюцца росту цэн і падзення рэальнай заработнай платы. Не абышлося без сутычак з паліцыяй і арыштаў.