Улады Малдовы адклікалі ліцэнзію ў тэлеканала ТВЦ21

Улады Малдовы адклікалі ліцэнзію на вяшчанне тэлеканала ТВЦ21. Ніякіх прэтэнзій да кантэнту ліцэнзавальныя структуры не прад'явілі - яны адзначылі толькі непразрыстасць статутных дакументаў.

За апошні час афіцыйны Кішынёў закрыў 14 тэлеканалаў, якія сімпатызавалі апазіцыі. Абмежаваны доступ да 50 навінавых інтэрнэт-парталаў.

Чыстка інфармацыйнай прасторы вядзецца з прыцэлам на хуткія парламенцкія выбары, на якіх прыхільнікі прэзідэнта Санду могуць перамагчы, толькі калі іх сапернікаў выкрасляць з бюлетэняў. Гэтым можна растлумачыць і арышт кіраўніка Гагаузскай аўтаноміі Яўгеніі Гуцул. Напярэдадні суд у Кішынёве адправіў яе пад варту на 20 дзён, аднак супраць Гуцул узбуджана крымінальная справа і тэрмін зняволення можа ператварыцца ў значна даўжэйшы.