USAID будзе расфарміравана да верасня

Амаль усіх супрацоўнікаў USAID за мяжой звольняць да верасня. Такое даручэнне даў Дэпартамент эфектыўнасці дзяржкіравання Ілона Маска.

Паводле інфармацыі СМІ, акрамя звальнення амаль усіх супрацоўнікаў да гэтага часу павінны быць зачынены ўсе замежныя офісы. Частку функцый арганізацыі перададуць Дзярждэпартаменту, астатнія будуць спынены. Апавяшчэнні аб звальненні атрымаюць больш як 10 тысяч супрацоўнікаў, нанятых на месцах, а таксама 600 амерыканскіх дыпламатаў і дзяржслужачых.

Адзначым, раней дзяржсакратар ЗША заявіў - улады збіраюцца праверыць агенцтва, каб вызначыць адпаведнасць фінансавання праграм міжнароднай палітыцы дзеючай адміністрацыі.