Ватыкан рыхтуецца да выбараў Папы Рымскага

Канклаў у Ватыкане для выбараў новага Папы Рымскага збярэцца 7 мая. Падчас працэдуры абрання кардыналы будуць цалкам ізаліраваны ад знешняга свету.

Таемнае галасаванне праходзіць у Сікстынскай капэле Апостальскага палаца і можа доўжыцца некалькі дзён. 4 раўнды галасавання будуць праходзіць штодня, пакуль адзін з кандыдатаў не атрымае 2/3 галасоў.

Паводле прагнозаў экспертаў, найбольш верагоднымі кандыдатамі на месца пантыфіка пасля смерці папы Францыска з'яўляюцца дзяржсакратар Святога Прастола кардынал П'етра Паралін і пасланец папы па Украіне кардынал Матэа Дзупі.