Выключны выпадак. Трамп выступіў перад Кангрэсам з гістарычнай прамовай

"Амерыка зноў у справе" - менавіта так Дональд Трамп пачааў сваё выступленне перад Кангрэсам. Звычайна такія мерапрыемствы праводзяцца да канца першага года на пасадзе, але гэты выпадак выключны. Прэзідэнт ЗША заявіў, што за паўтара месяца ў улады дабіўся большага, чым большасць адміністрацый за ўвесь час, дадаўшы, што гэта толькі пачатак, аднак для дэмакратаў у яго няма добрых навін.

Дональд Трамп, прэзідэнт ЗША:

"Я гляджу на дэмакратаў перад мной і разумею, што мне няма чаго сказаць, каб зрабіць іх шчаслівымі або каб яны ўсталі, усміхнуліся і паапладыравалі. Я магу знайсці лекі ад жудаснай хваробы, спыніць злачынствы. А гэтыя людзі не ўстануць і не паапладыруюць, нягледзячы ні на што. Гэта вельмі смутна, так быць не павінна".

З самага пачатку выступлення прадстаўнікі Дэмакратычнай партыі спрабавалі сарваць яго прамову. У выніку спікер Палаты прадстаўнікоў Майк Джонсан заклікаў усіх да парадку і прыгарзіў выдаліць з залы тых, хто спрабуе сарваць выступленне. Не прайшло і 10 хвілін з пачатку мерапрыемства, як з залы вывелі першага дэмакрата, які парушыў парадак.