З БПЛА і гідралакатарамі: у Літве працягваюцца пошукі чацвёртага амерыканскага салдата

У Літве працягваюцца пошукі амерыканскага салдата, які прапаў падчас манеўраў. Вадалазы шукаюць цела чацвёртага вайскоўца ў балоце на палігоне ў Пабрадзе.

Для вызначэння месцазнаходжання выкарыстоўваюцца гідралакатары, а таксама беспілотнік са сканіруючым абсталяваннем. Зараз на месцы па чарзе працуюць дзве групы вадалазаў з Літвы і ЗША.

Як удакладняюць удзельнікі аперацыі, пошукі яшчэ больш ускладніліся, паколькі знайсці чалавека ў балоце больш складана, чым ваенную тэхніку. А чаму ў бронемашыне, што затанула ў балоце, былі тры целы, а не чатыры, пакуль невядома.