Жыватворны агонь сышоў у храме Гроба Гасподняга ў Іерусаліме

І зноў цуд адбыўся! У Іерусаліме ў храме Уваскрэсення Хрыстовага пад радасныя воклічы соцень паломнікаў сышоў Жыватворны агонь. Патрыярх Іерусалімскі Феафіл 3ій выйшаў з капліцы з пучкамі запаленых свечак.

Скараходы разнеслі агонь па храме. Ён будзе перададзены дэлегацыям розных краін. Часцінкі чароўнага святла разляцяцца па ўсёй планеце.

Даставяць лампаду з Жыватворным агнём і ў Беларусь. Плануецца, што святыня прыбудзе ў Свята-Духаў кафедральны сабор а 9-й гадзіне Светлага Хрыстовага Уваскрэсення - да пачатку Боскай літургіі.