ЗША пагражаюць Ірану ракетнымі ўдарамі

Армія Ірана прыведзена ў стан павышанай боегатоўнасці. Распараджэнне аддаў вярхоўны лідар аятала Алі Хаменеі.

Рашэнне прынята ў сувязі з пагрозамі ЗША і актывізацыяй у рэгіёне як ізраільскіх, так і амерыканскіх сіл. Раней у адміністрацыі Трампа прыгразілі, што Іран "знікне да верасня", калі не згадзіцца на здзелку па ядзернай праграме і не спыніць працу над ядзернай зброяй. Зараз Штаты актыўна размяшчаюць бамбардзіроўшчыкі і дадатковую авіяносную аператыўную групу на Блізкім Усходзе. На фоне амерыканскай пагрозы прэзідэнт Ірана заявіў аб гатоўнасці да раўнапраўнага дыялогу, а іранскі народ заклікаў да адзінства, каб прымусіць праціўнікаў задумацца аб наступствах іх выпадаў у адрас Тэгерана.