ЗША працягваюць перамовы з бакамі ўкраінскага канфлікту

Тэлефонныя размовы з Пуціным і Зяленскім былі вельмі добрымі - менавіта так Дональд Трамп ахарактарызаваў ход перагаворнага працэсу. Амерыканскі лідар адзначыў, што галоўная мэта яго міратворчага пасрэдніцтва - "зблізіць дзве краіны" і скараціць выдаткі ЗША на падтрымку Кіева.

Зяленскі жа пасля размовы з Трампам заявіў, што Украіна не прызнае новыя расійскія тэрыторыі, але пагадзіўся на прапанову аб адмове ад удараў па энергетычнай інфраструктуры. Больш за тое, згодна з інфармацыяй Дзярждэпа, амерыканскі лідар таксама абмеркаваў энергазабеспячэнне Украіны і атамныя электрастанцыі.

Трамп заявіў: амерыканская ўласнасць на станцыі была б лепшай абаронай гэтай інфраструктуры і падтрымкай украінскага энергетычнага сектара.

Між тым стала вядомая дата чарговага раўнда перамоў расійскай і амерыканскай дэлегацый. Ён адбудзецца 24 сакавіка ў Саудаўскай Аравіі.