ЗША заклікалі Украіну да другога раўнда перамоў з Расіяй

Спецпрадстаўнік Трампа заклікаў Украіну прыняць удзел у другім раўндзе перамоў з Расіяй у Стамбуле.

Кіт Келаг падкрэсліў: "Я гаварыў з Умеравым, які ўзначаліць дэлегацыю на наступных перамовах у Стамбуле. Я заўсёды перасцерагаю - не гаворыце такіх рэчаў, што вы не з'явіцеся. Трэба паказаць, што вы настроены сур'ёзна".

Келаг назваў заканамернай занепакоенасць Расіі пашырэннем НАТА на ўсход, падкрэсліўшы: ЗША неаднаразова гаварылі, што пытанне далучэння Украіны да НАТА не абмяркоўваецца.