Зяленскі паспрабаваў папрасіць прабачэння ў Трампа і назваў першыя крокі для перамоў

Нязграбная спроба. Зяленскі, нарэшце, пракаменціраваў сварку ў Авальным кабінеце, праўда, у сацсетцы. Палітык напісаў - яму шкада, што так атрымалася і выказаў гатоўнасць усё выправіць. Паводле яго словаў, Украіна гатова як мага хутчэй сесці за стол перамоў.

Першымі крокамі, на думку Зяленскага, павінны стаць абмен палоннымі і перамір'е "ў небе і на моры". Акрамя таго, Украіна гатова падпісаць пагадненне аб карысных выкапнях у любы час і ў любым зручным фармаце. Паводле яго словаў, сустрэча ў Вашынгтоне прайшла не так, як меркавалася. Зрэшты, ці прыме гэты допіс Трамп як патрабаваныя выбачэнні, пакуль невядома.