Аграрыі Нясвіжскага раёна дапамогуць крупскім хлебаробам убраць збожжа

З клопатам пра кожны колас і наш агульны каравай. У Мінскай вобласці перадавікі дапамагаюць калегам-хлебаробам убраць збожжа. Гэта экіпажы, якія завяршылі жніво на палях сваіх гаспадарак.

Ініцыятыву губернатара Мінскай вобласці Аляксея Кушнарэнкі падтрымалі аграрыі Нясвіжскага раёна.

13 жніўня ў 6 гадзін раніцы калона з 10 камбайнаў у суправаджэнні экіпажаў ДАІ і МНС адправілася з Нясвіжскага раёна ў Крупскі. Увесь маршрут складае 250 кіламетраў. Адлегласць немалая, бо раён не суседні, далёкі. Але чужога хлеба не бывае, тут важная дапамога кожнага. Бо місія сабраць кожны колас з палёў - адказная і вельмі важная (падрабязнасці ў відэа).