"БЕЛАГРА-2026" пашыраецца: рэкордныя 500 заявак і дэманстрацыя тэхнікі на палях

Прадстаўнікі 11-ці краін збяруцца на пляцоўцы "БЕЛАГРА". 2 чэрвеня пачне працу сельскагаспадарчая выстава.

Міжнародная аграпрамысловая выстава "БЕЛАГРА-2026" кардынальна адрозніваецца ад папярэдніх гадоў колькасцю пададзеных заявак (іх больш за 500). Такі высокі попыт на ўдзел выклікаў і павелічэнне плошчы ўсяго форуму.

Новаўвядзеннем гэтага года з'яўляецца дэманстрацыя замежным гасцям працы беларускай тэхнікі на палях. І як адзначаюць арганізатары, гэта адзіны спосаб паказаць усю моц айчыннага машынабудавання (гл. відэа).