Лугіна: Супрацоўніцтва з краінамі БРІКС адкрывае новыя гарызонты для бізнесу Беларусі

Супрацоўніцтва з краінамі БРІКС адкрывае новыя гарызонты для прыватнага бізнесу і прамысловых гігантаў Беларусі. Аб гэтым заявіла на Форуме жаночага прадпрымальніцтва БРІКС у Маскве Таццяна Лугіна, старшыня канцэрна "Беллегпрам".

Форум - не толькі ўмацоўвае народную дыпламатыю, але і спрыяе інтэграцыі бізнесу нашай краіны ў рэгіянальнае супрацоўніцтва напрамую. Размова таксама аб наладжванні кааперацыйных сувязяў паміж суб'ектамі буйнога, сярэдняга і малога бізнесу краін БРІКС.

Форум сабраў больш за тысячу гасцей з трох дзясяткаў краін. Ключавая тэма - максімальнае ўцягванне жанчын у бізнес, рэгіянальнае і глабальнае супрацоўніцтва.