У Беларусі набліжаецца да фінішу ўборка збожжавых, аграрыі пачалі нарыхтоўку кармоў

Жніво блізкае да фінішу, на старце ўборка кукурузы. Не менш важны аграэтап - нарыхтоўка якасных кармоў. Гаспадаркі паўднёвых рэгіёнаў Беларусі пачалі ўборку кукурузы на зялёную масу. Аграрыі закладваюць аснову кармавой базы. У Брэсцкай вобласці размешчана больш за 200 тыс. кукурузных гектараў.

Культура з высокім утрыманнем бялку - аснова рацыёну для жывёлін. Нарыхтаваць трэба не толькі ў тэрмін, але і якасна, а гэта значыць выключна па тэхналогіі.

Навінка прадпрыемства "Гомсельмаш" - кормаўборачны камбайн - якасна здрабнее расліны нават у самых складаных умовах і практычна ўсё робіць самастойна. На экране тэхнікі знаходзіцца ўся важная інфармацыя - ад запоўненасці бункера да напамінку аб праходжанні тэхнічнага абслугоўвання (падрабязнасці ў відэа).