Арган Будслаўскага касцёла трапіў ў спіс гісторыка-культурных каштоўнасцей Беларусі

Захаваць спадчыну. За мінулы год на рамонт і аднаўленне гістарычных і культурных аб'ектаў толькі ў Мінскай вобласці было выдаткавана амаль 17 млн руб. Ідуць работы і ў Будслаўскім касцёле. Храм лічыцца малой базілікай. Такі статус у Беларусі маюць усяго 3 сакральныя аб'екты.

Пачатковы этап рэстаўрацыі амаль завершаны: узмоцнены падмурак і дах. Наперадзе рэканструкцыя фасада, добраўпарадкаванне прылеглай тэрыторыі і ўнутраны рамонт.

Будслаўскі касцёл - аб'ект першай катэгорыі. Нядаўна ў спіс гісторыка-культурных каштоўнасцей Беларусі трапіў яго арган. Таксама плануюць уключыць іншыя элементы - мэблю і ўваходныя дзверы. Усяго на тэрыторыі Мядзельскага раёна 56 знакавых помнікаў архітэктуры.

Аб'екты ўключаюць у турыстычныя маршруты, каб госці нашай краіны бліжэй знаёміліся з гісторыка-культурнай спадчынай.