Узнагарода беларускага тэлебачання. 20 гадоў таму прайшоў першы нацыянальны конкурс "Тэлевяршыня"

"Оскар" беларускага тэлебачання. Роўна 20 гадоў таму ў Мінску ў Палацы Рэспублікі прайшоў першы нацыянальны тэлевізійны конкурс "Тэлевяршыня".

І штораз усе намінанты пацвярджаюць высокі ўзровень нашага тэлебачання. Так, у маі мінулага года прэмія адбылася ўжо 15-ты раз. Асноўная мэта конкурсу - садзейнічанне развіццю нацыянальнага тэлевяшчання, фарміраванне паўнацэннай інфармацыйнай прасторы краіны, а таксама павышэнне прафесійнага ўзроўню ўсіх працаўнікоў тэлебачання. Дарэчы, значнасць працы СМІ і развіцця нацыянальных масмедыя не раз падкрэсліваў Прэзідэнт.

І менавіта таму важна ствараць механізмы выяўлення фейкавай інфармацыі. А інфармацыйная бяспека ў цэлым - гэта не проста абарона ад хакераў, а сістэма мер для забеспячэння суверэнітэту дзяржавы, абароны праў і свабод грамадзян у інфармацыйнай прасторы.