9 снежня на пасяджэнні ПА АДКБ абмяркуюць пытанні абароны і калектыўнай бяспекі краін-удзельніц

Пра захаванне гістарычнай памяці аб Вялікай Айчыннай і Другой сусветнай вайне, якую ўсё часцей скажаюць у еўрапейскіх краінах, пойдзе размова 9 снежня на пасяджэнні Парламенцкай асамблеі АДКБ у Маскве.

Напярэдадні кіраўнікі парламенцкіх дэлегацый наведалі Музей Перамогі на Паклоннай гары. Яны ўбачылі экспазіцыю "Звычайны нацызм", дзе праз фота, архіўныя дакументы і кінахроніку (усяго больш за 200 экспанатаў) расказана гісторыя ўзнікнення і развіцця ўкраінскага варыянту нацызму з моманту яго зараджэння да нашых дзён.

У памяць аб 25 млн савецкіх грамадзян - ахвяр вайны кіраўнікі парламенцкіх дэлегацый усклалі кветкі і ўшанавалі загінуўшых хвілінай маўчання.

9 снежня на пасяджэнні Парламенцкай асамблеі АДКБ будуць абмеркаваны пытанні абароны і калектыўнай бяспекі краін, што ўваходзяць у аб'яднанне, новыя выклікі і пагрозы з боку НАТА, а таксама выкарыстанне штучнага інтэлекту, кібербяспека і незаконная міграцыя.