Кругласутачнае дзяжурства - беларуская армія працягвае ўзмацненне ўчасткаў дзяржмяжы

Вайскоўцы беларускай арміі працягваюць выконваць задачы па ўзмацненні ўчасткаў дзяржмяжы. Падраздзяленні Узброеных Сіл працуюць у цесным узаемадзеянні з прадстаўнікамі мясцовай улады, пагранічнікамі і супрацоўнікамі МУС.

Дэсантнікі, танкісты, мотастралкі, артылерысты, сродкі СПА кругласутачна стаяць на баявым дзяжурстве і патрулююць тэрыторыі Беларусі. Яны нясуць службу на блокпастах, вядуць разведку з дапамогай беспілотнікаў.

У святле апошніх падзей асаблівая ўвага надаецца барацьбе з беспілотнікамі. Сёння наша браніраваная тэхніка абсталявана рознымі тыпамі антыдронавай абароны.