Мароз і снег у Беларусі. Сіноптыкі аб'явілі аранжавы ўзровень небяспекі

У Беларусі пахаладнела і выпаў снег. З-за ўзмацнення ветру ў краіне аб'яўлены аранжавы ўзровень небяспекі. Месцамі чакаецца завея, на дарогах галалёдзіца.

4 студзеня з самай раніцы ва ўсіх раёнах сталіцы арганізавана ўборка прыдамавых тэрыторый і апрацоўка сродкамі супраць галалёду. Задзейнічана больш за 65 адзінак тэхнікі, амаль 1,5 тыс. работнікаў. Зрасходавана каля 11 тыс. тон песка-саляной сумесі.