Новых кіраўнікоў прадставілі ў Мінскім, Стаўбцоўскім і Пухавіцкім раёнах

Кадравыя змяненні ў сістэме кіраўніцтва Мінскай вобласці. 1 ліпеня ў Мінскім, Стаўбцоўскім і Пухавіцкім раёнах прадставілі новых кіраўнікоў. Так, у Мар'інай Горцы зацвердзілі на пасадзе старшыні райвыканкама Аляксандра Маеўскага, які да гэтага працаваў тут жа першым намеснікам. Ён мае вялікі вопыт працы ў энергетыцы і сельскай гаспадарцы.

Губернатар Мінскай вобласці Аляксей Кушнарэнка назваў задачы, якія стаяць перад рэгіёнам. А гэта павышэнне інвестыцыйнай актыўнасці, развіццё горада-спадарожніка Рудзенска і выхад аграпрамысловага комплексу на больш высокі ўзровень.

Новага старшыню райвыканкама прадставілі і ў Дзяржынску. Мікіта Рэут дагэтуль займаў пасаду першага намесніка старшыні Салігорскага райвыканкама, а таксама начальніка ўпраўлення па сельскай гаспадарцы і харчаванні. Працоўную дзейнасць пачаў у адукацыйнай сферы.

2 ліпеня новага старшыню прадставяць і ў Крупскім раёне.