Пад Мінскам завяршаюць будаўніцтва новага цяплічнага комплексу

Пад Мінскам завяршаюць будаўніцтва новага цяплічнага комплексу. За год тут змогуць вырабляць каля 3,5 тыс. т таматаў. Першы ўраджай плануюць сабраць ужо гэтай восенню.

Ход будаўніцтва 27 мая праінспектаваў прэм'ер-міністр. Аб'ект узводзяць на тэрыторыі агракамбіната "Ждановічы". Энергазберагальная цяпліца 4-га пакалення. Гэта азначае, што практычна ўсе працэсы кіруюцца з дапамогай камп'ютара. За інфраструктурай і мікракліматам сочаць сучасныя сістэмы.

Побач выконваюцца работы другой чаргі будаўніцтва такой жа маштабнай цяпліцы плошчай больш за 7 га.

Дзякуючы развіццю цяплічнага агародніцтва ўжо ўдалося цалкам забяспечыць унутраны рынак сваімі агуркамі. Такая ж задача пастаўленая і з таматамі.