Супрацоўнікі МНС дапамагаюць ліквідаваць наступствы ліўня ў Мінскай вобласці

У Беларусі байцы МНС дапамагаюць у ліквідацыі наступстваў ліўня. У Салігорску спецыялісты адпампоўвалі ваду з падвалаў раённай бальніцы, спартыўнага комплексу і двух прадуктовых магазінаў на праспекце Міру. Аналагічная дапамога спатрэбілася яшчэ ў шасці раёнах Мінскай вобласці - Лагойскім, Мінскім, Маладзечанскім, Пухавіцкім, Смалявіцкім, Старадарожскім.

"Групоўка атрада колькасцю больш за 60 чалавек выкарыстоўвае бензапілы, альпінісцкі рыштунак для выслабанення ліній электраперадачы, дахаў дамоў, аўтамабіляў ад паваленых дрэў", - далажыў начальнік атрада спецпрызначэння "ЗУБР" МНС Беларусі Ігар Зарэмба.

Узмоцненая група ратавальнікаў працуе пад Мінскам. Гэта адзін з самых пацярпелых раёнаў пасля навальнічнага фронту, што прайшоў 30 ліпеня. Пашкоджаны дахі 25 жылых дамоў. З дапамогай коптараў з паветра ацэньваюць маштабы разгулу стыхіі. У работах задзейнічаны байцы атрада спецпрызначэння "ЗУБР".