Аўтапаркі Мінскай вобласці абновяць да канца 2025 года

Беларусь істотна абнаўляе свой пасажырскі аўтапарк. Так, летась для арганізацый транспарту агульнага карыстання было закуплена больш як 300 адзінак аўтамабільнай тэхнікі: 254 аўтобусы, астатняе - тралейбусы і электробусы.

На ўзроўні ўрада прынята рашэнне аб абнаўленні 10 працэнтаў парка штогод. У найбліжэйшыя гады стаўка будзе зроблена на развіццё электрычнага транспарту. У сталічным рэгіёне знос парку даходзіў месцамі да 90 %. Сітуацыя карэнным чынам мяняецца.