У Брэсцкай вобласці вырашылі ўключыць ацяпленне ў жылфондзе

У Брэсцкай вобласці ў сувязі з умовамі надвор’я прынялі рашэнне аб уключэнні ацяплення ў жыллёвым фондзе, паведамляе БЕЛТА са спасылкай на абласное ўнітарнае прадпрыемства "Упраўленне ЖКГ".

Рашэнні аб аднаўленні падачы цяпла прымаюць мясцовыя выканаўчыя камітэты. Паводле звестак на 15:00 16 мая, ацяпленне ў жылфондзе ўключылі ў Бярозаўскім, Драгічынскім, Жабінкаўскім, Камянецкім, Пружанскім і Столінскім раёнах. Батарэі пацяплеюць і ў дамах жыхароў Баранавіч.

Як паведамлялася, раней у гарадах і раёнах Брэсцкай вобласці прынялі рашэнні аб уключэнні ацяплення ў сацыяльных аб'ектах: бальніцах, дзіцячых садах, школах. Такі рэжым падоўжыцца да надыходу ўстойлівых дадатных сярэднесутачных тэмператур.