Вадаёмы Віцебскай вобласці скаваныя лёдам, але рыбакам сваё захапленне варта адкласці

Ратавальнікі паўночнага рэгіёна краіны ўзмацняюць прафілактычныя рэйды па вадаёмах. Акваторыі Віцебскай вобласці скаваныя лёдам, аднак ён яшчэ зусім не трывалы і выходзіць на яго небяспечна для жыцця. У зоне рызыкі - аматары зімовай рыбалкі і дзеці. Ва ўсіх раёнах поўначы краіны дзейнічаюць рашэнні аб забароне выхаду на лёд да таго часу, пакуль яго таўшчыня не стане вышэй за 7 см. Мінулай зімой у перыяд ледаставу на акваторыях Віцебскай вобласці патанулі 17 чалавек, 8 з якіх - рыбакі.

На тэрыторыі вобласці працуе штатная вадалазная служба і чатыры дзясяткі груп выратавання на вадзе. Каб не стаць ахвярамі зімовых забаў, ратавальнікі таксама заклікаюць адмовіцца ад катання са снежных горак паблізу рэк і азёр.