Арына Сабаленка прабілася ў чвэрцьфінал турніру WTA-1000 у Рыме

Арына Сабаленка ў чвэрцьфінале прэстыжнага "тысячніка" WTA ў Рыме. У матчы чацвёртага круга беларуска прайшла Марту Кастюк з Украіны.

У першай партыі, якая доўжылася ўсяго 31 хвіліну, лідар сусветнага рэйтынгу не пакінула саперніцы ніякіх шанцаў - 6:1. А вось другі сэт атрымаўся куды больш напружаным і прадоўжыўся 1 гадзіну 35 хвілін. Сабаленка саступала 3:5, але праявіла характар і вярнулася ў гульню. На тай-брэйку, які таксама расцягнуўся на 18 розыгрышаў, лепш праявіла сябе беларуска - 10:8.

За выхад у паўфінал 14 мая Арына паспрачаецца з алімпійскай чэмпіёнкай Парыжа - восьмай ракеткай планеты кітаянкай Чжэн Ціньвень.