Арына Сабаленка прабілася ў паўфінал турніру WTA-1000 у Маямі

Беларуская тэнісістка Арына Сабаленка выйшла ў паўфінал турніру катэгорыі WTA-1000 у Маямі. Прызавы фонд спаборніцтваў - 8,9 млн долараў, паведамляе БЕЛТА.

У ноч на 26 сакавіка лідар сусветнага рэйтынгу перамагла ў двух сэтах дзявятую ракетку планеты кітаянку Чжэн Ціньвэнь - 6:2, 7:5. Сустрэча працягвалася 1 гадзіну 37 хвілін. У паядынку за выхад у фінал Сабаленка згуляе з італьянскай тэнісісткай Ясмін Пааліні (7-мы нумар рэйтынгу WTA).

На гэтым турніры Арына Сабаленка перамагла балгарку Вікторыю Томаву (64), Алену-Габрыэлу Рузэ (102) і дзеючую чэмпіёнку амерыканку Даніэль Колінз (15).

Miami Open - 2025 завершыцца 30 сакавіка, яго чэмпіёнка заробіць 1,2 млн долараў і 1 тыс. рэйтынгавых ачкоў.