Футбалісткі "Дынама-БДУФК" згуляюць у матчы з "Мінскам" за галоўны трафей сезона

Галоўная інтрыга жаночай футбольнай лігі раскрыецца сёння. "Дынама-БДУФК" або "Мінск"? Хто падніме галоўны трафей сезона? Футбалісткі "Дынама" ўжо чатыры гады запар не аддаюць Кубак і званне чэмпіёнак.

Але і "гараджанкі" рашуча настроены парадаваць сваіх балельшчыкаў. Мінулая сустрэча дружын на стадыёне "Мінска" завяршылася перамогай гаспадынь 1:0. Аналагічны лік і пераможца назіраліся ў паядынку за суперкубак краіны яшчэ ў сакавіку.

У чыю карысць гэтым разам завершыцца сустрэча на поле па вуліцы Маякоўскага? Ці падніме "Дынама" пяты трафей запар або "Мінск" спыніць чэмпіёнскую серыю? Даведаемся з прамой трансляцыі тэлеканала "Беларусь 5". Стартавы свісток ужо зусім хутка - у 12:30.