Ганна Сола заваявала серабро ў мас-старце на этапе Кубка Садружнасці па біятлоне

Ганна Сола заваявала серабро ў мас-старце на этапе Кубка Садружнасці па біятлоне

Беларуска Ганна Сола стала прызёрам гонкі з масавым стартам на трэцім этапе Кубка Садружнасці па біятлоне, які завяршыўся ў Чайкоўскім Пермскага края Расіі, паведамляе БЕЛТА.

На старт дыстанцыі 12,5 км выйшлі 29 спартсменак. Наша Ганна Сола чарговы раз была самай хуткай на лыжні, і нават чатыры промахі на агнявых рубяжах не перашкодзілі ёй падняцца на п'едэстал - беларуска фінішавала другой следам за Наталляй Шаўчэнкай.

У дзвюх папярэдніх гонках на этапе Сола станавілася чацвёртай.

Блізкай да подыуму 22 снежня была і Дзінара Смольская, якая памылялася на стральбе ўдвая радзей за сяброўку па камандзе, але на заключны круг сіл у нашай спартсменкі не хапіла - Смольская прапусціла наперад і суайчынніцу, і Вікторыю Сліўко, у выніку заняўшы чацвёртае месца.