Кубак Садружнасці па біятлоне вяртаецца. Чацвёрты этап спаборніцтваў стартуе ў Дзёміна

Кубак Садружнасці вяртаецца! Чацвёрты этап спаборніцтваў стартуе 17 студзеня ў Дзёміна. У праграме першага дня - спрынтарскія гонкі.

Першымі на лыжню выйдуць жанчыны, дзе ў складзе беларускай каманды ў топ-дзясятку асабістага заліку турніру адразу дзве беларускі - Дзінара Смольская (на трэцяй пазіцыі) і Ганна Сола - дзясятая. Старт у 11:00, прамая трансляцыя на тэлеканале "Беларусь 5".

А ў 14:00 сачыце за эфірам мужчынскага спрынту. Антон Смольскі - дзеючы ўладальнік Кубка Садружнасці - працягвае лідзіраваць у агульным заліку і сёння пастараецца павялічыць адрыў ад праследавальнікаў. На сёмым месцы Дзмітрый Лазоўскі.