Павел Яўсеенка: Рашэнні ў дачыненні да беларускіх паралімпійцаў незаконныя

Рашэнні Міжнароднага паралімпійскага камітэта ў дачыненні да беларускіх спартсменаў незаконныя. Пра гэта з высокай трыбуны Генасамблеі ААН заявіў намеснік пастаяннага прадстаўніка Беларусі пры арганізацыі Павел Яўсеенка.

Паводле яго слоў, палітызацыя спорту і незаконныя санкцыі, якія ўплываюць на аб'ёмы міжнароднага гандлю, даходы насельніцтва, інвестыцыі, таксама негатыўна адбіваюцца на развіцці спорту і інфраструктуры.

Дыпламат адзначыў, што, нягледзячы на недружалюбныя крокі, Мінск застаецца адкрыты да дыялогу і гатовы да перамоў з МАК.