Названы лепшыя тэнісісты і трэнеры Беларусі 2024 года

Пераможны год тэніса. Званне першай ракеткі свету, трафеі гранд-турніраў і яркія поспехі нашых спартсменаў на міжнароднай арэне. Беларуская федэрацыя тэніса падвяла вынікі года.

Традыцыйна былі названыя імёны лепшых у спаборніцкім сезоне.

Так, "Тэнісістам года" стала, вядома, Арына Сабаленка, якая адваявала першы радок сусветнага рэйтынгу. А яе настаўнік Антон Дубраў заслужана атрымаў званне "Лепшага трэнера". "Характар года" паказала Юлія Гатоўка. Адзначылі і тых, хто ўпершыню бліснуў на сусветных кортах. Эвяліна Ласкевіч узнагароджана ў намінацыі "Прарыў года".

Ужо 12 студзеня беларусы рыхтуюцца выступіць на турніры Australian Open. Але раней усіх на корт выйдзе Арына Сабаленка. 29 снежня яна адкрые спаборніцкі сезон у Брысбене.