Рубрыка "Матчбол" - акцэнт на гульнявых відах спорту

Па выніках года, лепшай тэнісісткай Беларусі прызнана Арына Сабаленка. Профільная федэрацыя правяла ўрачыстую цырымонію закрыцця сезона ў пятніцу, лепшым трэнерам прызнаны настаўнік "Мінчанкі" Антон Дуброў. А вось у рубрыцы "Матчбол" мы зробім акцэнт на гульнявых відах спорту. Новы выпуск вашай ўвазе!

Хакей на гэтым тыдні ў авангардзе спартыўных падзей - зборная Беларусі стала другой на прэстыжным турніры Кубка Першага тэлеканала, які прайшоў у Санкт-Пецярбургу!

У сваёй першай гульні каманда Дзмітрыя Квартальнага перамагла зборную Казахстана, уступаючы 0:1, у выніку беларусы апынуліся мацнейшыми 3:1: у складзе нашай каманды вызначыліся двойчы Віталь Пінчук, і яшчэ раз Вадзім Мароз.

У суботу беларусаў чакаў, без перабольшання, галоўны матч на Кубку Першага тэлеканала. На "СКА-Арэне" нашы хлопцы сустракаліся з гаспадарамі - хакеістамі Расіі, у выніку яскравага паядынку перамог наш апанент у авертайме 4:3!

Уступіўшы расіянам, беларусам неабходна было перамагаць зборную “свету КХЛ”, у складзе якой выступаюць легіянеры з Канады і ЗША і - з гэтай мэтай каманда Квартальнага справілася - перамога у нашых землякоў 6:1, тут вызначым дубль Бялевіча!

"Дынама-Шыннік" працягвае перамагаць у рамках выязной серыі МХЛ. Напярэдадні бабруйчане зноў апынуліся мацнейшымі за “сахалінскіх акул” - на гэты раз у авертайме 3:2, у суботу, 5:2 перамагла каманда Міхалёва. Беларусы лідзіруюць у турнірнай табліцы Сярэбранага дывізіёна Заходняй канферэнцыі - у актыве 50. У сераду ў “бела-сініх” гульня супраць "Амурскіх тыграў"!

Валейбольная "Мінчанка" ледзь не стварыла сенсацыю ў суботу ў расійскай Суперлізе, але ўсё ж уступіла другой камандзе турнірнай табліцы - "Лакаматыву" ў Калінінградзе 2:3! Уступаючы па сэтах 0:2, нашы дзяўчаты вярнуліся ў гульню, аднавіўшы парытэт па партыях, але ўступілі ў пятай партыі 12:15. У турнірнай табліцы "Мінчанка" ідзе 12-й, наступную гульню каманда правядзе дома ў сераду супраць "Пратона".

На гэтым тыдні вас чакае шмат хакея - гульні КХЛ і айчыннай экстралігі. У сераду - класіка беларускага гандбола СКА - "Мяшкоў-Брэст", а ў пятніцу біятлон - стартуе трэці этап Кубка Садружнасці Усё гэта, зразумела, вас чакае на тэлеканалах Белтэлерадыёкампаніі. Любіце спорт, і мы абавязкова яшчэ ўбачымся.