"Сібір-Арэна" пабіла рэкорд наведвальнасці Кубка Выкліку МХЛ

"Сібір-Арэна" пабіла рэкорд наведвальнасці Кубка Выкліку МХЛ. За матчам зборных Захаду і Усходу з трыбун комплексу назіралі амаль 10 з паловай тысяч балельшчыкаў! Нагадаем, на гэты тытульны паядынак запрашаюць лепшых з лепшых, самых перспектыўных хакеістаў усёй маладзёжнай Лігі. Адразу два беларусы - Аляксандр Яцэнка і Канстанцін Валачко - дапамаглі калектыву Захаду атрымаць перамогу - 7:4. Яцэнка  адзначыўся галявой перадачай, а галоўны трэнер "Дынама-Шынніка" Андрэй Міхалёў выступіў асістэнтам гэтай каманды. За Усход  шайбай адзначыўся наш абаронца Максім Глінскі. Ён выхадзец Бабруйска і таксама пару сезонаў таму выступаў у саставе "чорна-блакітных". У паядынку  і рэкорд выніковасці. Раней на дваіх каманды закідвалі максімум 10 шайбаў.

На наступным тыдні сочым за маладзёжнай зборнай Беларусі на хатнім "Кубку Будучыні". З 5 па 8 лютага турнір прыме "Чыжоўка-Арэна". Таксама на спаборніцтвах выступяць беларуская і расійская каманды да 18 гадоў і Расія U17.