Таццяна Мацко - пяціразовая чэмпіёнка свету

Беларуская школа самба працягвае пацвярджаць свой узровень на міжнароднай арэне. У заключны дзень планетарнага форуму парадавала Таццяна Мацко - яна стала пяціразовай чэмпіёнкай свету. У фінале вагавай катэгорыі да 59 кг беларуска ўзяла верх над украінкай Сафіяй Бардзінскіх. Наша скарбонка медалёў чэмпіянату свету налічвае 9 узнагарод рознай пробы. Раней таксама на вышэйшую прыступку п'едэстала паднімаліся Даніэла Ждан і Марыя Кандрацьева. Серабро ў Аляксандра Казлова і Анжэлы Жілінскай. Бронзу прымералі Лізавета Лапаева, Карына Шут, Аляксандр Кокша і Аляксандр Круглік.