У беларускага футбола новы кіраўнік

Кіраўнік упраўлення па спорце і турызме Мінскага аблвыканкама Яўген Булойчык - новы кіраўнік Асацыяцыі "Беларуская федэрацыя футбола" (АБФФ). Пра гэта стала вядома на справаздачна-выбарнай канферэнцыі АБФФ, якая прайшла 17 ліпеня ў Доме футбола.

Акрамя Яўгена Булойчыка на пасаду прэтэндавалі генеральны дырэктар мінскага "Дынама" Андрэй Талмач і першы намеснік старшыні АБФФ Андрэй Васілевіч, аднак абодва заявілі аб зняцці сваіх кандыдатур.

Раней Мікалай Шарстнёў прыняў рашэнне пакінуць пасаду старшыні федэрацыі.