Выдатнае выступленне і бліскучыя перспектывы - рубрыка "Матчбол" з акцэнтам на біятлоне

"Мінчанка" атрымлівае сваю сёмую перамогу ў гэтым сезоне расійскай Суперлігі: каманда Вольгі Пальчэўскай у гасцях у мінулую суботу была мацнейшай за "Амічку" 3:1. У чацвер беларускі прымуць "Спарту" ў спартыўным комплексе "Уручча".

Біятлон, безумоўна, у авангардзе спартыўных падзей! Выдатна выступілі беларусы ў першых чатырох гонках Кубка мацнейшых спартсменаў Беларусі і Расіі.

Традыцыйна спрынты адкрывалі праграму турніру: у суботу жанчыны першымі выйшлі на старт - Дзінара Смольская заваявала сярэбраны медаль, адразу пасля - мужчыны падтрымалі пачын алімпійскай чэмпіёнкі - Антон Смольскі стаў лепшым, а Ілья Аўсеенка з бронзай спаборніцтваў.

Выдатнае выступленне ў суботу адкрывала бліскучыя перспектывы на гонку праследавання на наступны дзень нашым біятланістам, і спадзяванні беларусаў апраўдаліся: Дзінара зноў стала другой, Сцяпан Данілаў у пасьюце трэці, а Антон Смольскі зноў перамог!

Ужо заўтра сочым за індывідуальнымі гонкамі. Арганізатары спаборніцтваў прынялі рашэнне, што гонкі пройдуць вечарам: жанчыны стартуюць у 16:30, а мужчыны - у 20:30!

Тым часам у хакейнай Экстралізе вызначыліся першыя шэсць каманд, якія ўжо дакладна выступяць у плэй-оф Кубка Прэзідэнта: да кампаніі "Юнацтва", "Нёмана", "Металурга", "Віцебска" і "Гомеля" апошнім далучыўся клуб "Дынама-Маладзечна", а вось у зоне плэй-ін на гэты момант адразу у чатырох каманд роўная колькасць балаў 51 ачко ў "Брэста", "Лакаматыва", "Хіміка" і "Шахцёра", салігарчане, дарэчы, сёння дома згуляюць супраць "Нёмана" - пачатак сустрэчы ў 19:00.

Гандбалісты мінскага СКА спынілі пераможную серыю "Мяшкоў Брэста" ў чэмпіянаце Беларусі. У паядынку дваццатага тура - "армейцы", уступаючы па ходзе сустрэчы чатыры мячы, змаглі вырваць нічыю - 29:29. Адзначым, што з мая 2023 года ў вочным супрацьстаянні перавага заўсёды была на баку "мяшкоўцаў". "Мяшкоў-Брэст" пакідае за сабой лідарства ў табліцы першынства краіны, апярэджваючы СКА на шэсць ачкоў.

На гэтым тыдні ўся ўвага біятлону - гонкі Кубка мацнейшых спартсменаў Беларусі і Расіі пройдуць заўтра, у чацвер, суботу і нядзелю! Паралельна цікавімся хакеем - вашай увазе маты - КХЛ, МХЛ і айчыннай экстралігі! Усё гэта, зразумела, вас чакае на тэлеканалах Белтэлерадыёкампаніі: любіце спорт і мы абавязкова яшчэ ўбачымся.