Зборная Беларусі па футболе вяртаецца дамоў з двюма перамогамі

Зборная Беларусі па футболе пераможна завяршыла сакавіцкі збор. Спачатку ў Душанбэ яна атрымала перамогу над зборнай Таджыкістана з лікам 5:0, а 25 сакавіка хлопцы перамаглі зборную Азербайджана з лікам 2:0.

Такім чынам, дзве вікторыі з дзвюх магчымых у актыве беларускіх хлопцаў у сакавіку.

Аўтары забітых мячоў - Мікіта Дземчанка і Павел Забелін.

Галоўным жа сёлетнім стартам для футбольнай зборнай Беларусі стане адбор на чэмпіянат свету 2026 года, які стартуе ў верасні. За права выступаць на мундыяле Беларусь пазмагаецца з Даніяй, Шатландыяй і Грэцыяй.