ЕК выдзеліць Украіне больш за 18 млрд еўра з прыбытку ад замарожаных актываў Расіі

Еўракамісія дасць Украіне больш за 18 млрд еўра ад прыбытку ад замарожаных актываў Расіі. Пра гэта заявіў еўракамісар па эканоміцы.

У кастрычніку лідары G7 дамовіліся выдзеліць Кіеву 50 млрд долараў у выглядзе крэдыту. Тады падкрэслівалася, што пазыкі будуць абслугоўвацца за кошт будучых даходаў ад замарожаных актываў Расіі. Пры гэтым ЗША абавязаліся ўзяць на сябе выдзяленне Украіне 20 млрд, астатняе - агульнымі намаганнямі G7 і ЕС.